Renessans ta’lim universiteti talabalari uchun akademik mobillik dasturi doirasida Xitoy Xalq Respublikasida o‘quv kurslarida ishtirok etish imkoniyati taqdim etiladi.   👥 Kimlar uchun? Universitetimiz talabalari uchun.    🧭 Kurs qanday yo’nalishlarni qamrab oladi? Elektron tijorat, logistika, sun’iy intellekt, robototexnika kabi yo’nalishlar.    🔢 Qamrov: 40 nafar talaba, shuningdek, universitetimiz tomonidan 2 nafar o’qituvchi ularga hamrohlik qiladi.    ⏰ Qachon: 2025-yil 5–20-dekabr kunlari (rejalashtirilmoqda)   🔽Dastur nimalarni o‘z ichiga oladi? ✔️dunyoga mashhur Alibaba, Zhejiang Telecom, Shaoxing China Telecom kabi kompaniyalarga ekskursiyalar; ✔️zamonaviy texnologiyalar yaratiladigan zavodlar, ma’lumotlar qayta ishlanadigan “Data Centre”larga tashrif; ✔️qiziqishga qarab seminar va maʼruzalarda ishtirok etish, taniqli shaxslar bilan muloqot qilish, xitoy tilini o‘rganish, master-klasslar imkoniyati;  ✔️madaniy dastur ham mavjud bo’lib, diqqatga sazovor joylarga sayohatlar uyushtiriladi.   Ishtirokchilar uchun Xitoy tomoni hisobidan o‘quv kurslari, turar joy (standart, ikki kishilik xonalar), bepul halol ovqatlanish, ichki transport, bepul SIM kartalar ta’minlanadi.   Talabalar tomonidan borish-kelish xarajatlari, tashkilotchilar – Xitoy tomoni uchun u yerga borganda bir martalik 150 AQSh dollari miqdorida to‘lov qilish kerak bo’ladi (kutib olish, kuzatib qo’yish xarajatlari). O‘quv dasturida ishtirok etgan talabalarga o‘tilgan kurslar va ularning soatlari ko‘rsatilgan maxsus sertifikatlar taqdim etiladi.   Talablar: ✅ amaldagi xorijga chiqish pasporti;  ✅ universitetda tahsil olayotgan bo‘lishi.    ❗️Arizalar ko‘rib chiqiladi, zaruratga ko‘ra esa, suhbat yoki qo‘shimcha savollar bo‘lishi mumkin. Hujjat topshirish muddati: 30-oktabr 2025, soat 17:00    🗣 Qanday murojaat qilinadi? Talabgorlar Ilmiy tadqiqotlar, innovatsiyalar, ilmiy-pedagogik kadrlar tayyorlash va iqtidorli talabalar bilan ishlash bo‘limiga (asosiy bino, 7-qavat) murojaat qiladilar.   📞 Aloqa uchun telefonlar:  +998 55-506-70-07 (ichki: 1020); +998 90-974-74-59

Renessans ta’lim universitetining Xalqaro hamkorlik bo‘limi bosh mutaxassis lavozimiga professional kadrlarni ishga taklif etamiz.    Nomzodga qo‘yiladigan talablar: 🔹oliy ma’lumot; 🔹ingliz tili – kamida B2, koreys tili – TOPIK 4–5 daraja; 🔹tashkilotchilik hamda lavozim doirasida zarur bilim va ko‘nikmalar; 🔹yuksak kasbiy etika, muloqot madaniyati va liderlik, tashabbuskorlik, mas’uliyat, jamoada va mustaqil ishlash qobiliyati, tezkorlik; 🔹tegishli lavozimda samarali ish tajribasi.   Shu bilan birga, KPI tizimi asosida xodimlar natijalari baholanadi va ish haqiga 100% gacha ustama berilishi mumkin.   Murojaat uchun tel.: (+998 55) 506-70-07, E-mail: hr@renessans-edu.uz   Manzil: Toshkent shahar, Shayxontohur tumani, Charxnovza MFY, 17-uy, Renessans ta’lim universiteti binosi, 1-qavat, 107-xona.

Universitet tomonidan fan doktori va DSc ilmiy darajasiga ega professor-o‘qituvchilarga 80%, fan nomzodi yoki PhD ilmiy darajasiga ega professor-o‘qituvchilar 50% miqdorida ustama tayinlanadi.   Shu bilan birga, har bir professor-o‘qituvchilar o‘zining shaxsiy natijalarini yaxshilab borishi hamda 2025/2026-o‘quv yilidan joriy etiladigan va har 6 oyda yangilab boriladigan KPI tizimi orqali qo‘shimcha 100% gacha ustamaga ega bo‘lishi mumkin.   Natijada, bizning professor-o‘qituvchilar o‘zlarining ish haqlarini o‘quv yili davomida 200% gacha oshirish imkoniyatiga ega bo‘ladilar.   Nomzodlarga qo'yiladigan talablar: ✅ PhD, DSc ilmiy daraja ega bo'lishi; ✅ C1 darajaga (IELTS, CEFR va TOEFL sertifikatlari bilan) ega bo'lishi lozim.   Batafsil ma'lumotni 👉 www.renessans-edu.uz rasmiy saytimiz orqali olishingiz mumkin.    Manzil: Toshkent shahar, Shayhontohur tumani, Charxnovza MFY, 17-uy, Renessans ta’lim universiteti binosi, 1-qavat, 107-xona.   Murojaat uchun tel.: (+998 55) 506-70-07, E-mail: hr@renessans-edu.uz

Jurnalda ijtimoiy-gumanitar, aniq va tabiiy fanlar hamda texnika fanlarining barcha sohalari bo‘yicha ilmiy asosga ega bo‘lgan maqolalar chop etiladi.   Tahririyatga taqdim etiladigan qo‘lyozmalar quyidagi talablarga javob berishi kerak: 🔹dolzarb muammolarga bag‘ishlanishi, ilmiy tahlil va bahs - munozaralar bo‘lishi; 🔹material nazariy va metodologik jihatdan puxta, keltirilgan statistik maʼlumotlar, xulosa, taklif va tavsiyalar asosli bo‘lishi; 🔹maqolada ochiq matbuotda eʼlon qilinishi mumkin bo‘lmagan maʼlumotlar bo‘lmasligi; 🔹maqolaga ilova qilinadigan hujjatlar PDF va WORD shaklda bo‘lishi.   Maqola faqat elektron shaklda taqdim etiladi. Quyidagi holatlarda maqola nashrga qabul qilinmaydi: ✔️maqola yuqorida keltirilgan talablarga mos kelmasa; ✔️birovning ilmiy fikr, xulosa va qarashlari o‘zlashtirilgan bo‘lsa (plagiat); ✔️Tahrir hayʼati va ekspertlar tomonidan nashrga tavsiya etilmasa.   Maqola va ilova hujjatlarining elektron variantlari quyidagi manzilga yuborilishi kerak: jurnal@renessans-edu.uz   Eslatib o‘tamiz, “Renessans ta’lim xabarlari: innovatsiya, sifat, istiqbol” jurnali O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan berilgan rasmiy guvohnoma ega.