“Xorijiy tillar” bellashuvida qatnashish sizning ingliz, nemis, fransuz, rus, koreys va xitoy tillari bo‘yicha bilim va mahoratingizni sinovdan o‘tkazish va uni namoyon qilish uchun ajoyib imkoniyat hisoblanadi! Olimpiada yo‘nalishlari: Ingliz tili Nemis tili Fransuz tili Rus tili Koreys tili Xitoy tili   Olipmiada shartlari quyidagicha: Test yechish Yozma Tarjima Suhbat Masala yechish Olimpiadada ishtirok etish sizga nima beradi? Yosh iqtidorli talabalar bilan tanishish Chet tillar bo‘yicha bilimingizni namoyon qilish Universitet nomidan pul mukofotlari, esdalik sovg‘alari va sertifikatlar!   Olimpiada g‘oliblari diplom va pul mukofotlari bilan taqdirlanadi:  1-o‘ringa diplom, pul mukofoti, ota-onasiga tashakkurnoma va keyingi bosqichga tavsiyanoma; 2-o‘ringa diplom va esdalik sovg‘alari, ota-onasiga tashakkurnoma;  3- o‘ringa diplom va esdalik sovg‘alari, ota-onasiga tashakkurnoma beriladi. Olimpiada o‘tkazilish sanasi: Qo‘shimcha bino, 4-5-noyabr kunlari, soat: 14:00 Navbatdagi olimpiada kriptologiya sohasiga qiziqadiganlar uchun tashkil etilgan bo‘lib, xususan, kodlar va shifrlar sirini o‘rganishni istaydiganlar uchun ayni muddao.   Bu olimpiada – bilimingizni sinovdan o‘tkazish, yangi bilimlar orttirish va o‘z iqtidoringizni namoyon qilish uchun ajoyib imkoniyatdir.  Olipmiada shartlari quyidagicha:nazariy savollar (yozma) kriptologiya fanidan umumiy savollarga izoh va tushuntirishlar berish amaliy topshiriqlar (yozma) masala yechish    Olimpiada g‘oliblari diplom va pul mukofotlari bilan taqdirlanadi:  1-o‘ringa diplom, pul mukofoti, ota-onasiga tashakkurnoma va keyingi bosqichga tavsiyanoma;  2-o‘ringa diplom va esdalik sovg‘alari, ota-onasiga tashakkurnoma;  3-o‘ringa diplom va esdalik sovg‘alari, ota-onasiga tashakkurnoma beriladi.   Olimpiada o‘tkazilish sanasi: Asosiy bino 7-qavat faollar zali, 2024-yil 6-noyabr soat:14:00

  Sizlarni 2024-yil 2-noyabr kuni soat 10:00 da 7-qavat faollar zalida  bo‘lib o‘tadigan  “Nufuzli xalqaro jurnallarga maqolalarni tayyorlash va unda miqdoriy tahlilning ahamiyati” mavzusidagi davra suhbatiga taklif qilamiz. Tadbirda Janubiy Koreyaning Yonsei Universitetini  2020-2024-yillar mobaynida iqtisodiyot mutaxassisligi bo‘yicha doktorantura dasturida tahsil olib qaytgan, hozirda “Ijtimoiy himoyani rivojlantirish instituti”da xulq-atvor iqtisodiyoti dasturi yetakchisi lavozimida ishlab kelayotgan, iqtisodiyot fanlari doktori Tursunov Ulug‘bek Avazbek o‘g‘li  ma’ruza bilan ishtirok etadi.    Seminar davomida siz quyidagi masalalar bo‘yicha muhim ma’lumotlarga ega bo‘lasiz: Scopus va Web of Science bazalarida maqolalarni qanday chop etish va indeksatsiyalash; Nufuzli xalqaro jurnallarda maqolalarni tayyorlash va nashr etish bo‘yicha tavsiyalar; Ilmiy ishlanmalarni xalqaro miqyosda namoyish qilishning afzalliklari.   Seminarda ishtirok eting va o‘z bilim va malakangizni oshiring!

Grant uchun ichki imtihonda qatnashishni xohlovchi 1-kurs kunduzgi va kechgi ta’lim shakli  talabalari diqqatiga! Talabgorlardan 26-oktabr kuni soat 18:00 gacha o‘zlariga tegishli bo‘lgan barcha hujjat va ma’lumotlarni fekulteti boʻyicha dekanatga topshirishlarini so‘raymiz. Fursatni boy bermang! Kelajagingizni yaratish uchun birinchi qadamingizni bugun tashlang va oʻz bilimingizni namoyon qiling!

Renessans ta’lim universitetida ARM tomonidan “Mening sevimli kitobim” shiori ostida qizlar uchun ko‘rik-tanlov e’lon qilinadi. Tanlovda qizlar 2  shart bo‘yicha bellashishadi:   “Men yoqtirgan asar” “Badiiy asar bilimdoni”   Birinchi bosqichda ishtirokchilar o‘zi sevib o‘qigan asari bo‘yicha qisqacha 3 daqiqalik annotatsiya beradi.   Ikkinchi turda qatnashuvchilarga 10 ta berilgan asarlar ro‘yxatidan  biror asardagi parcha o‘qib eshittiriladi va javob berish uchun bir daqiqa vaqt belgilanadi.   Asarlar roʻyxati: 1.  “Ufq” (S. Ahmad) 2.  “Shum bola” (G‘.G‘ulom) 3.  “Ikki eshik orasi” (O‘.Hoshimov) 4.  “Mehrobdan chayon” (A.Qodiriy) 5.  “Jinoyat va jazo” (F.Dostoyevskiy) 6.  “Choliqushi” (R. N.Guntekin) 7.  “Boburnoma” (Z.M.Bobur)  8. “Oq kema” (Ch.Aytmatov) 9.  “Chol va dengiz” (E.Xeminguey) 10.  “Alpomish” (Xalq og‘zaki ijodi)   Ishtirokchi qizlarga ball berish jarayoni hakamlar hay’ati tomonidan amalga oshiriladi. Gʻoliblar universitet ma'muriyati tomonidan  esdalik sovgʻalari bilan taqdirlanadi.   Qatnashish istagida bo‘lgan barcha qizlarni taklif qilamiz . Murojaat uchun: @Axmedov_Baxtiyor

Renessans ta’lim universiteti professor-o‘qituvchilari va xodimlari o‘rtasida “Rektor kubogi” sport musobaqalari tashkil etiladi Musobaqa: sportning mini futbol, stol tennisi va shaxmat  turlari bo‘yicha o‘tkaziladi. O‘tkazilish vaqti: 8-15-oktyabr  Ma’lumot uchun: Ushbu turdagi sport musobaqalarini xodimlar va professor-o‘qituvchilar ishtirokida tashkillashtirishdan maqsad: ularni sog‘lom turmush tarzi va faol jismoniy harakatga undashdan iborat.