“Ijtimoiy-siyosiy fanlar” kafedrasi RTU Kengashining 2023-yil 30-avgustdagi 1-sonli qaroriga muvofiq tashkil etilgan.
Kafedraning asosiy missiyasi taʼlimning ilgʻor innovatsion metod hamda texnologiyalarini qoʻllash orqali “Tarix”, “Xalqaro munosabatlar”, “Milliy gʻoya, maʼnaviyat asoslari va huquq taʼlimi”, “Falsafa” taʼlim yoʻnalishlari va mutaxassisliklari boʻyicha yuqori malakali, ilmiy-tahliliy mulohaza yurita oladigan, mustaqil ravishda xulosalar qilish koʻnikmalariga ega boʻlgan, nazariy va amaliy vazifalarni bajarish imkoniyatiga ega mutaxassislarni, shuningdek, mamlakatimizda amalga oshirilayotgan ijtimoiy-siyosiy, madaniy-maʼrifiy islohotlarning ustuvor vazifalaridan kelib chiqib, ilmiy tadqiqotlarning jahon tajribasi va xalqaro standartlarni hisobga olgan holda dolzarb mavzularda ilmiy-tadqiqot ishlarini bajarish hamda ularning natijalarini amaliyotga tatbiq eta oladigan kadrlarni tayyorlashdan iborat.
Hamkorlik sohasida kafedra xalqaro munosabatlar va startap loyihalarni rivojlantirish sohalarida Turkiya, Bolgariya, Pekin kabi davlatlar bilan aloqalarni yo‘lga qo‘ygan.
