Xabaringiz bor, Toshkent shahridagi 68 ta oliy ta’lim muassasalari talaba yoshlari o‘rtasida o‘tkazilgan “Universiada-2024” sport musobaqasida Renessans ta’lim universiteti jamoasi gandbol bo‘yicha Respublika final bosqichiga yo‘llanmani qo‘lga kiritgan edi.

Ayni paytda mazkur bosqichga jiddiy tayyorgarlik ko‘rgan jamoamiz musobaqaning hal qiluvchi bosqichida ishtirok etish uchun Qoraqalpog‘istonda bo‘lib turibdi.

Renessans ta’lim universiteti gandbol jamoasi Respublika final bosqichidagi birinchi o‘yinni Urganch davlat universitetining gandbol jamoasiga qarshi o‘tkazdi.

O‘yinda Renessans ta’lim universiteti jamoasining qo‘li baland kelib, 41:33 hisobida g‘alaba qozondi.

Ularga kelgusi bahslarda ham muvaffaqiyat tilagan holda, yaqindan qo‘llab-quvvatlaymiz!