Renessans ta’lim universitetida o‘tkazilgan fan olimpiadasida munosib ishtirok etib, yuqori natijalar ko‘rsatgan talabalarimizning muvaffaqiyati uchun ularning ota-onalari va yaqinlariga jamoamiz nomidan alohida minnatdorchilik izhor etildi.
Universitetimiz rektori, professor Nusratilla Barakayev fan olimpiadasi g‘oliblarining ota-onalariga atalgan tashakkurnomalarni topshirar ekan, “Yoshlarimizning ulkan muvaffaqiyati ortida ota-onalarning mashaqqatli sa’y-harakatlari va farzandlarining universitetimizda yuqori darajada ta’lim olishiga bo‘lgan ishonchi yotadi”, – deya fikr bildirdi.
Yoshlarning fan sohasidagi yutuqlari orqali yurtimiz taraqqiyoti uchun mustahkam poydevor yaratishda birgalikda hissa qo‘shayotganimizdan faxrlanamiz.
