Mazkur konferensiyada hozirgacha quyidagi ma’ruzalar tinglandi:
🔹Mirzo Ulug‘bek nomidagi O‘zbekiston Milliy universiteti Moliya va kredit kafedrasi professori Abdul Jalil Mahama “O‘zbekistonda raqamlashtirish va sanoat tuzilmasining qayta tiklanadigan energiyani qabul qilishga ta’sirini baholash: ekonometrik tahlil”.
🔹Toshkent davlat iqtisodiyot universiteti Buxgalteriya hisobi kafedrasi professori, iqtisod fanlari doktori Radjapbay Dusmuratov “Yashil iqtisodiyotda ilmiy tadqiqotlar metodologiyasini shakllantirish”.
🔹 Belarus–O‘zbekiston qo‘shma tarmoqlararo amaliy texnik kvalifikatsiyalar instituti professori, New York universiteti akademigi, fizika-matematika fanlari doktori Abbos Shermuhammedov “O‘zbekistondagi ekologik muammolar”.
🔹 O‘zbekiston Respublikasi Vazirlar Mahkamasi huzuridagi Biznes va tadbirkorlik oliy maktabi O‘quv-uslubiy bo‘limi boshlig‘i, professor Tuyg‘un Qodirov “O‘zbekiston moliya sektori orqali yashil iqtisodiyotni rivojlantirishda raqamlashtirishning roli”.
🔹Xususan, Rossiya Federatsiyasi hukumati huzuridagi Moliya universiteti professori Bella Batayeva konferensiyada onlayn tarzda ishtirok etib, "BRIKS mamlakatlarida dekarbonizatsiya vositalari va amaliyotlari" mavzusi doirasida o‘z ilmiy qarashlarini bildirdi.
✔️ Konferensiya davomida ilgari surilgan ilmiy g‘oyalar va amaliy takliflar O‘zbekiston iqtisodiyotini raqamlashtirish, yashil energetika va ekologik barqarorlikni ta’minlash yo‘lida muhim nazariy va amaliy asos bo‘lib xizmat qiladi.
O'zbekcha
Русский
English
