Renessans ta’lim universiteti talabalari O‘zbekiston Respublikasi Qurolli Kuchlari tashkil etilganining 33 yilligi va Vatan himoyachilari kuni munosabati bilan O‘zbekiston Respublikasi Qurolli Kuchlar muzeyiga tashrif buyurishdi.
Muzeyda Amir Temurga bag‘ishlangan “Temuriylar davri harbiy san’ati” ekspozitsiyasi, harbiy yurishlar xaritalari, askarlar saflanishi sxemalari, Temuriy davri eksponatlari talabalarning katta qiziqishini uyg‘otdi. Shuningdek, Ikkinchi Jahon urushi davriga bag‘ishlangan ekspozitsiya va mustaqil O‘zbekiston Qurolli Kuchlari taraqqiyotini aks ettiruvchi ko‘rgazmalar bilan tanishib, ular Vatan himoyachilarining mashaqqatli, shu bilan birga, sharafli xizmatlarini qalban his qildilar.
Talabalarning fikricha, muzeyga sayohat ularda mamlakatimiz qudrati va tinchligini asrab-avaylashning naqadar yuksak ma’naviy ahamiyatga ega ekanini yanada chuqur anglashga yordam berdi.
Sayohat yakunida talabalar esdalik uchun suratga tushib, o‘z taassurotlarini o‘zaro muhokama qilishdi. Bunday tadbirlar Vatan uchun xizmat qilishni sharaf deb bilgan yoshlar qalbida faxr va mas’uliyat hissini yanada kuchaytiradi.
Vatanimiz tinchligi va osoyishtaligi yoʻlida jonini fido qiladigan mard oʻgʻlonlarimiz hamisha omon boʻlishsin. Bayramingiz muborak boʻlsin, mard va jasur, Vatan himoyachilari!
