Toshkent shahridagi 92 ta oliy ta’lim muassasalari o‘rtasida o‘tkazilgan “Universiada-2024” sport musobaqalarining hududiy bosqichida Renessans ta'lim universiteti jamoasi voleybol bo‘yicha ajoyib natija ko‘rsatdi!
Bizning jamoamiz kuchli raqiblarga qarshi murosasiz o‘yinlarda g‘alaba qozonib, Respublika final bosqichiga yo‘l oldi.
Bu g‘alaba har bir ishtirokchining mehnati, fidoyiligi va universitetni yuqori cho‘qqilarga olib chiqish istagining yorqin ifodasidir.
Endi esa oldinda eng muhim bosqich – final o'yinlari! Jamoamiz “Biz kuchlimiz va g‘alabaga erishamiz!” shiori ostida tayyorgarlikni davom ettiradi. Bu nafaqat sport musobaqasi, balki universitetimiz sharafini himoya qilish mas’uliyati hamdir. Jamoamizni qo‘llab-quvvatlagan barcha talabalar, professor-o‘qituvchilar va xodimlarga samimiy minnatdorlik bildiramiz. Sizning ishonchingiz biz uchun kuchli qanotdir!
Keling, jamoamizni birgalikda qo‘llab-quvvatlab, ularga g‘alaba sari kuch bag‘ishlaylik!
