Xabaringiz bor, yaqinda “Universiada – 2024” sport musobaqalarining stol tennisi bo‘yicha Toshkent shahar bosqichi bo‘lib o‘tdi. Ushbu musobaqada Renessans ta’lim universiteti talabasi Ro‘zimuxammad Raxmonov bor mahoratini namoyish etib, faxrli birinchi o‘rinni qo‘lga kiritdi.Bu g‘alaba Ro‘zimuxammadga Respublika final bosqichida ishtirok etish imkonini berdi. Endi u “Universiada – 2024” musobaqalarining finalida universitetimiz sharafini himoya qiladi.
Sportchimiz musobaqaga jiddiy tayyorgarlik ko‘rdi. U g‘oliblik sari bor kuch va mahoratini ishga solib, faxrli 1-o‘rinni olib, universitetimizga yorug‘ yuz bilan kelishni niyat qilgan. Biz uni Respublika finalida ham zafar quchishiga ishonamiz va har tomonlama qo‘llab-quvvatlaymiz!
Omad tilaymiz, Ro‘zimuxammad! Universitetimiz sen bilan faxrlanadi!
