Internet maydonidagi ma’naviy tahdidlar va ularga qarshi kurashishning usullari

26-noyabr kuni Renessans ta’lim universitetida o‘tkazilgan uchrashuvda “Internet maydonidagi ma’naviy tahdidlar va ularga qarshi kurashishning usullari” muhokama markazida bo‘ldi.

Shayxontohur tuman IIV xodimlari S.Turdiyev, Sh.Islomov, Sh.Damirova hamda “O‘zkimyosanoat” AJ IT bo‘yicha mutaxassisi J.Lazizjonov yoshlar bilan yuzma-yuz uchrashib, virtual makondagi xavf-xatarlardan himoyalanish yo‘llarini tushuntirdi.

Bugungi kunda internet – cheksiz imkoniyatlar manbai, lekin undagi ma’naviy tahdidlar yoshlar dunyoqarashiga zarar yetkazishi mumkin. Dastlab mutaxassislar tahdidlar qanday ko‘rinishda namoyon bo‘lishi mumkinligini aniq misollar bilan ochib berishdi.

Uchrashuv davomida mutaxassislar media savodxonligini oshirishni, oilada internetdan xavfsiz foydalanish madaniyatini shakllantirishni, sohaga oid davra suhbati va treninglarda ko‘proq ishtirok etish kerakligi ta’kidladilar.