G‘alaba muborak! Renessans ta'lim universiteti final sari yo‘l oldi!
Toshkent shahridagi 68 ta oliy ta’lim muassasalari talaba yoshlari o‘rtasida o‘tkazilgan “Universiada-2024” sport musobaqalari hududiy bosqichida Renessans ta'lim universiteti jamoasi gandbol bo‘yicha o‘z kuchini isbotladi.
Jamoamiz jasorat va birdamlik ruhida raqiblarini ortda qoldirib, Respublika final bosqichiga yo‘llanmani qo‘lga kiritdi.
G‘alaba universitet jamoasining intilishi, mehnati va sportga bo‘lgan mehrining natijasi.
Endi esa oldinda katta sinov – final o‘yinlari turibdi!
Bu bosqichda ham jamoamiz g‘alaba uchun kurashishga tayyor.
"Biz kuchlimiz va g‘alabaga erishamiz!" – shiori ostida jamoamiz mashg‘ulotlarni davom ettirmoqda.
Ular uchun bu nafaqat sport musobaqasi, balki universitet nomini yuksak darajada himoya qilish mas’uliyati hamdir.
Jamoamizni qo‘llab-quvvatlab turgan barcha talabalarimiz, o‘qituvchi va xodimlarimizga minnatdorlik bildiramiz.
Final yo‘lida ularning ishonchi va qo‘llab-quvvatlovi katta ahamiyatga ega.
Finalga tayyormiz! G‘alabaga ishonamiz!
