RTU «Matematika va iqtisod» fakulteti O‘zbekiston Respublikasi Vazirlar Mahkamasining 2019-yil 24-dekabrdagi «Nodavlat ta’lim tashkilotlari faoliyatini takomillashtirish chora-tadbirlari to‘g‘risida»gi 1028 -son qarori talablaridan kelib chiqqan holda, universitetning 2024-yil 28-avgustdagi № 1-sonli Kengashida muhokama qilingan va ma’qullanib, universitet rektorining tegishli buyrugʻi asosida tashkil etilgan.
Fakultet maqsadi: zamonaviy bilim va yuksak ma’naviy-axloqiy fazilatlarga ega, mustaqil fikrlaydigan yuqori malakali kadrlar tayyorlash hamda ta’lim yoʻnalishlari boʻyicha ilmiy tadqiqot ishlarini xalqaro maydonga olib chiqish hisoblanadi.
Fakultet shiori: Ilm-fan yutuqlari – barqaror iqtisodiyot va muvaffaqiyatli tadbirkorlik asosi.
Faoliyatning asosiy tamoyili – «Milliy va umuminsoniy qadriyatlar asosida rivojlanish».
«Matematika va iqtisod» fakultetining istiqboldagi rejalari quyidagilardir:
Yevropa kredit sistemasi (ECTS – European Credit Transfer and Accumulation System) asosida ta’lim jarayonini yo‘lga qo‘yish va uni o‘quv jarayoniga amalda to‘liq tatbiq etish;fakultet professor-o‘qituvchilarini xalqaro standartlar asosida ilmiy tadqiqotlar olib borishiga bosqichma-bosqich tayyorlash;
Eng yangi pedagogik texnologiyalar va o‘qitish usullarini joriy qilishning xalqaro amaliyotiga muvofiq ta’lim jarayonini rejalashtirish, chuqurlashtirish va sifatini yaxshilashni tashkil etishni takomillashtirish;
Xorijiy va milliy reyting indikatorlarini hisobga olgan holda ta’lim hamda ilmiy-tadqiqot ishlarini tashkil etish;
Bitiruvchilarni kasbga yo‘naltirish uchun Legal Business Couching treninglarini tashkil etish.
Fakultetda dekan, dekan o‘rinbosarlari, uslubchi va dispetcher faoliyat olib boradi.
« Matematika va iqtisod » fakulteti tarkibiga quyidagi 4 ta kafedra kiradi:
