“Ilk qadam” davlat dasturini pedagogik jarayonga tadbiq etish fanidan “Komil inson + Mahoratli mutaxassis = Shaxs” formulasi asosida tashkil etilayotgan mahorat darsiga barchani taklif etamiz.   Mashg‘ulotni Maktabgacha ta’lim tashkilotlari direktor va mutaxassislarini qayta tayyorlash va malakasini oshirish instituti dotsenti, p.f.f.d., PhD Nasiba Erhanova hamda Renessans ta’lim universiteti "Pedagogik ta’lim va psixologiya" kafedrasi dotsenti Mohira Turdiyeva olib boradi.   Dars jarayonida pedagogik-psixologik mavzularda qiziqarli suhbat va savol-javoblar o‘tkaziladi.   Dars 14-noyabr kuni, soat 14:30 da, Pedagogika fakultetida boshlanadi.   Talabalarni ushbu qo‘shma ochiq darsda faol ishtirok etishga chorlaymiz.

Universitetimizda so‘z sehri va ma’naviyat uyg‘unlashgan unutilmas adabiyot kechasi bo‘lib o‘tadi.    Kunning mehmonlari:   ➡️ Iqbol Mirzo – O‘zbekiston xalq shoiri ➡️ Guljahon Mardonova – yozuvchi, filologiya fanlar doktori.  ➡️ Fozil Farhod – jurnalist va shoir.   Ular bilan birgalikda adabiyotning ma’naviy qudrati, ijod sir-sinoatlari va hayotiy tajribalari haqida suhbatlashish imkoniga ega bo‘lasiz.    Adabiy kecha 12-noyabr kuni, soat 10:30 da universitetning asosiy binosi, 7-qavat, Faollar zalida boshlanadi.    Adabiyot ixlosmandlari ushbu ma’rifiy uchrashuvni o‘tkazib yubormang. So‘z san’atining mo‘jizaviy olamidan bahramand bo‘ling. 

Renessans taʼlim universitetida diplomatiya, uning uslublari haqidagi bilimlarni amaliyotga joriy etish, diplomatik koʻnikmalarni munozaralar, bahslar va ilmiy-amaliy oʻyinlar orqali rivojlantirish maqsadida “Yosh diplomatlar” klubi faoliyati yoʻlga qoʻyildi. Shu munosabat bilan klub rahbarligiga professional kadrlarni ishga taklif etamiz.   Nomzodga qoʻyiladigan talablar: 🔹 oliy maʼlumot; 🔹 diplomatiya sohasida tajriba; 🔹 lavozim doirasida zarur bilim va koʻnikmalar; 🔹 yuksak kasbiy etika, muloqot madaniyati va tashabbuskorlik, masʼuliyat, jamoada va mustaqil ishlash qobiliyati.   📞 Murojaat uchun:Tel.: (+998 55) 506-70-07

Universitetimiz talabalarini “Jismoniy madaniyat va sport” fanidan “Badiiy gimnastikachilarning egiluvchanlik sifatlarini oshirish” mavzusidagi mahorat darsiga taklif etamiz.   Mashg‘ulot “Komil inson” + “Mahoratli mutaxassis” = “Shaxs” formulasi asosida tashkil etilib, uni O‘zbekiston Respublikasida xizmat ko‘rsatgan sportchi, xalqaro toifadagi sport ustasi, 1-toifali hakam, Osiyo o‘yinlari va Osiyo chempionati sovrindori Zamira Sanokulova olib boradi.   Dars 11-noyabr kuni, soat 10:00 da, Shayxontohur tumani sport maktabida boshlanadi. Barchani ushbu mahorat darsiga taklif etamiz.

Universitetimiz talabalarini “Uzluksiz ta’limdagi tendensiyalar va zamonaviy yondoshuv” fanidan “Ta’limni tashkil etish shakllari va turlari” mavzusidagi qo‘shma ochiq darsga taklif etamiz.   Mashg‘ulotni Renessans taʼlim universiteti Pedagogik ta’lim va psixologiya kafedrasi professori Muborak Maxkamova hamda Psixologiya fanlari nomzodi, dotsent Nigora Shomurodova olib boradi.Dars 10-noyabr kuni, soat 13:20 da, Pedagogika fakulteti binosida boshlanadi.   Barcha pedagogika va psixologiya yo‘nalishi talabalari, amaliyotchi o‘qituvchilar va doktorantlarni ushbu qo‘shma ochiq darsda faol ishtirok etishga chorlaymiz.

  Universitetimiz talabalarini Klinik psixologiya fanidan ochiq darsga taklif etamiz. Ushbu darsning maqsadi inson psixologiyasini chuqur anglash, shaxsiy va kasbiy rivojlanishda psixologik yondashuvlarning ahamiyatini chuqur anglashdan iborat.    Mashg‘ulotni Renessans taʼlim universitet Pedagogik taʼlim va psixologiya kafedrasi katta oʻqituvchisi Zamira Magdiyeva, Toshkent tibbiyot akademiyasi Psixologiya kafedrasi dotsenti, klinik psixolog Serdar Dursunov olib boradilar.    Dars 8-noyabr kuni, soat 10:00 da Pedagogika fakultetida boshlanadi.Barcha talabalarni ushbu ochiq darsda faol ishtirok etishga chorlaymiz.

Universitetimiz talabalarini “Badiiy asar ustida ishlashning shakl va mazmuniga ko‘ra turlari” mavzusidagi mahorat darsiga taklif etamiz.    Ushbu darsning maqsadi talabalarni badiiy asarlar tahlili, ularning shakl va mazmun jihatlarini chuqur anglashga, ijodiy yondashuvni rivojlantirishga va adabiyot sohasidagi zamonaviy uslublar bilan tanishtirishdan iborat.   Mashg‘ulotni Filologiya kafedrasi dotsenti Gulruxsor Ergasheva va adabiyotshunos olim, O‘zbekiston Yozuvchilar uyushmasi a’zosi, pedagogika fanlari doktori, professor Qozoqboy Yo‘ldoshev olib boradilar.    Dars ertaga, 7-noyabr kuni, soat 13:20 da Filologiya va tarix fakultetida boshlanadi.   Barcha talabalarni ushbu mahorat darsida faol ishtirok etishga chorlaymiz.