Zamonaviy psixologiyaning dolzarb masalalari: muammo va yechimlar

Bugun Renessans taʼlim universiteti talabalari uchun unutilmas kun bo‘ldi. Universitetda “Zamonaviy psixologiyaning dolzarb masalalari: muammo va yechimlar” mavzusida mazmunli uchrashuv tashkil etildi.

Tadbirning asosiy mehmoni O‘zbekiston Fanlar akademiyasi akademigi, psixologiya fanlari doktori, professor G‘ayrat Bahromovich Shoumarov bo‘ldi.

O‘z sohasining yetakchi olimi psixologiyaning bugungi kun muammolarini hayotiy va ta’sirchan misollar orqali tushuntirib berdi. Bugungi kunning dolzarb muammolarini hal etish uchun sohani chuqur o‘rganish kerakligini ta’kidladi.

Savol-javoblar yanada qiziqarli bo‘ldi. Talabalar o‘zlarini qiziqtirgan masalalar yuzasidan bergan savollariga batafsil javob oldilar.

Uchrashuv yakunida Renessans ta'lim universiteti rahbariyati tomonidan mehmonga esdalik sovg‘alari topshirildi. Ushbu tadbir talabalarni psixologiyaning dolzarb muammolariga yangicha yondashuvga ilhomlantirdi va ularning ilmiy qiziqishini yanada kuchaytirdi.