Renessans ta'lim universiteti talabalari hamda professor-o'qituvchilari ishtirokida "Yangi yil shou" dasturi bo‘lib o‘tdi. Dastlab, universitet rektori Nusratilla Barakayev Rajabovich so'zga chiqib, kelayotgan 2024-yil barchaga muvaffaqiyatli yil bo'lishini tilab, bayram tadbirini ochiq deb e'lon qildi.
Bayram kechasida talabalar o‘zlarining bayramona chiqishlari, raqslari, kuy-qo‘shiqlari bilan barchaga a'lo kayfiyat ulashishdi.
Ayniqsa, ertaknamo qahramonlar obrazlari, Quvnoqlar va zukkolar jamoasining qiziqarli chiqishlari tomoshabinlarda katta taassurot qoldirdi.
Karnaval davomida Qorbobo va qorqiz tomonidan o‘tkazilgan qiziqarli viktorinalarda g‘olib ishtirokchilarga Yangi yil sovg‘alari topshirildi.
