Boshlang‘ich, maktabgacha ta’lim va sport kafedrasi tomonidan o‘tkazilga stol tennisi musobaqasida talabalar emas, balki universitet o‘qituvchilari hamda xodimlari ishtirok etishdi. Unda ayollar va erkaklar o‘zaro bellashishdi.
Turnirni Renessans ta’lim universiteti rektori Barakayev Nusratilla Rajabovich o‘zining qizg‘in nutqi bilan ochib berdi va barchaga omad tiladi.
Kafedra tomonidan ushbu sport musobaqasini o‘tkazishdan maqsad: professor-o‘qituvchilar va xodimlar ichida stol tennisini jamoaviy birdamlikni oshirish hamda ularga ko‘tarinki kayfiyat bag‘ishlashdir.
Murosasiz va shiddatli kechgan musobaqada ayollar o‘rtasida
1-o‘rin Kadirxodjayeva Nilufar;
2-o‘rin Rustamova Madina;
3-o‘rin Rahimova Sayyoraga nasib etgan bo‘lsa,
Erkaklar o‘rtasida
1-o‘rin Akramov Ruslan,
2-o‘rin Rajabov Rustam
3- o‘rinni Xazratov Shuxrat qo‘lga kiritdi.
G‘oliblarga universitet rahbariyati tomonidan maxsus kubok, diplom hamda medal topshirildi. Bundan tashqari, faol ishtirok etganlarning barchagasiga esdalik sovg‘alari taqdim etildi.
