Renessans ta’lim universiteti va Indoneziyaning Darussalom Gontor (UNIDA) universiteti o‘rtasida uchrashuv o‘tkazildi. Unda rektor Nusratilla Barakayev, Xalqaro aloqalar bo‘limi xodimi Cheng Wenshen, O‘quv ishlari bo‘yicha prorektor Qulmat Shakarov hamda Chet tillari kafedrasi mudiri Gulnoraxon Niyazova ishtirok etishdi.
Indoneziyaning Darussalom Gontor universitetidan bo‘lsa vakil sifatida universitet prezidenti Amal Fathulloh Zarkasiy, rektor Hamid Fahmi Zarkasiy hamda universitetning bir necha xodimlari qatnashishdi.
Uchrashuvda ikkala taraf ham taqdimot va videorolik orqali bir-birlariga universitet to‘g‘risida batafsil ma’lumot berishdi.
Jarayon so‘ngida, ikki universitet o‘rtasida hamkorlik aloqalarini mustahkamlovchi memorandum imzolandi.
Shuningdek, tomonlar bir-birlariga do‘stlik ramzi sifatida sovg‘alar ulashishdi.
