22-noyabr "Xalqaro Psixologlar kuni" munosabati bilan Renessans ta'lim universitetida tadbir boʻlib oʻtdi. Unda universitetning professor-o‘qituvchilari va talabalari ishtirok etishdi.
Erta tongdan "Psixologiya" yo‘nalishi talabalari iliq va samimiy tilaklar yozib, universitetdagi jamoadoshlariga ulashishdi.
Psixolog ustozlar va bo‘lajak psixologlar esa alohida tabriklar qurshovida bo‘lishdi. Kechada so‘zlangan nutqda psixologiyaning bugungi kunda inson hayotidagi oʻrni alohida eʼtirof etildi.
Bayram tadbirida Renessans ta'lim universitetining “Psixologiya” yoʻnalishi talabalari faol ishtirok etdi. Ular turli xil psixologik metodlar, savol – javoblar, sahna koʻrinishlari, amaliy mashg‘ulotlar, raqs va qoʻshiqlar orqali inson miyasi yashiradigan bilimlarning kichik bir qismini namoyon qilishdi.
