Bahor – yosharish va yangilanish falsi. Bahor o‘zining go‘zalligi, nafisligi va tarovati bilan dillarimizni doimo shod aylaydi. Shu bilan birga Bahorning o‘zgacha ko‘rki va tarovati ushbu faslda nishonlanadigan go‘zal tadbir va bayramlar bilan yanada oshadi.
Renessans ta’lim universiteti Boshlang‘ich, maktabgacha ta’lim va sport kafedrasi Sirtqi ta’lim shakli 3-bosqich 301-guruh “Maktabgacha ta’lim” yo‘nalishi tomonidan talabalarining milliy qadriyatlarimiz va an’analarimizga bo‘lgan hurmat va e’tiborni uyg‘otish maqsadida “O‘lkamda bahor” bayram tadbiri tashkil etildi. Tadbirda universitet rahbariyati, professor-o‘qituvchilari, talabalari ishtirok etishdi.
Talabalar bu tadbirni “Maktabgacha pedagogika” fani asosida professor Phd o‘qituvchi Yoqutxon O‘tbosarovna rahbarligida, yuqori ko‘tarinki ruhda o‘tkazishdi. Kechaning badiiy qismi talabalar ijrosidagi go‘zal, milliy kuy va qo‘shiqlar, jozibador raqslar, qadriyatlarni aks ettirgan sahna asarlariga boy bo‘ldi. Tadbirda faol ishtirok etgan ishtirokchilar tashakkurnomalar bilan munosib taqdirlanishdi.
