Boshlang‘ich, maktabgacha ta’lim va sport kafedrasi talabalarining amaliy dars mashg‘ulotlarini mazmunli o‘tkazish maqsadida Toshkent shahridagi maktabgacha ta’lim tashkilotlari bilan hamkorlikda “Yangi yil oqshomi” bayram tadbiri tashkil etildi.
Tadbirda talabalar qiziqarli va ertaknamo raqslari bilan bolajonlarga bayram kayfiyatini ulashishdi. Ayniqsa, sevimli “Sholg‘om” ertagining jonli namoyishi ularda iliq taassurot qoldirdi.
Bayram yakunida maktabgacha ta’lim tashkiloti tarbiyalanuvchilariga bayram sovg‘alari ulashildi va ular ishtirokida ommaviy raqs bo‘lib o‘tdi.
