Renessans ta’lim universitetida belbog‘li kurash terma jamoa a’zosi, 2 karra jahon chempioni, Xalqaro toifadagi sport ustasi, “Mard o‘g‘lon” davlat mukofoti sohibi Og‘abek Amatboyev bilan motivatsion uchrashuv bo‘lib o‘tdi.
Unda xalqaro toifadagi sport ustasi, professor, PhD Artiqov Zohidjon, Dzyudo bo‘yicha sport ustasi Jo‘rabek Xajibayev va bir guruh sport yo‘nalishi talaba-yoshlari ishtirok etdi.
O.Amatboyev 82 kg vazn toifasida juda ko‘plab musobaqalarni o‘tkazgani, mag‘lubiyatlar va yutuqlar, mashaqqatlari haqida bo‘lajak chempionlarga so‘zlab berdi. “Ustozlarni ko‘rsatmalari, saboqlari, yo‘l-yo‘riqlarini qunt bilan o‘rganish, tinimsiz harakat qilish kerak, shundagina chempionlik marrasini zabt eta olamiz” deya, ta’kidladi.
Uchrashuv so‘nggida talabalar o‘zlarini qiziqtirgan savollarga javoblar olishdi.
