Ayni paytda Nyu-Yorkda yashab, Lehmon kollejida yoshlarga saboq berib kelayotgan Jennifer Makkenzi Renessans ta’lim universitetida bo‘ldi va Xorijiy til va adabiyoti yo‘nalishi talabalariga master-klass o‘tib berdi.

Haqiqiy ingliz tili muhiti, mashhur shoira va yozuvchining bergan foydali maslahatlari va tavsiyalari bo‘lajak ingliz tili o‘qituvchilarini ruhlantirish bilan birga ularning kelgusi ishlarida katta maqsadlar qo‘yishga ishtiyoq uyg‘otdi.

Uchrashuv talaba yoshlar uchun  juda qiziqarli va manfaatlarga boy bo‘ldi.

Ma’lumot o‘rnida: Jennifer Makkenzi, shoira, yozuvchi, muallima, AQSHda tug‘ilgan. Birinchi kitobi 2014-yili nashr etilgan. She’rlari "Similar Peaks", "Lungfull", "Better Magazine" jurnallari va turli antologiyalarda bosilgan. U bir necha yil davomida Suriyada ham yashagan. Suriya va unga qo‘shni mamlakatlar haqidagi maqola va esselari "Huffington Post", "Guernica", "Killing the Buddha," va "Religion and Politics" nashrlarida ham e’lon qilingan.