9-fevral buyuk shoir va mutafakkir Nizomiddin Mir Alisher Navoiy tavalludining 583 yilligi munosabati bilan Adiblar xiyoboni majmuasida ma’naviy-ma’rifiy tadbir tashkil etildi.
Unda Renessans ta’lim universitetining “Iqtisodiyot” kafedrasi professor-o‘qituvchilari va talabalari faol ishtirok etishdi. Ma’rifiy kechada universitet talaba-yoshlari oʻzbek va boshqa turkiy xalqlarning shoiri, mutafakkiri va davlat arbobi, G‘arbda Chig‘atoy adabiyotining buyuk vakili haqidagi hikoya va ma’lumotlarni bayon qilib, adib ijodidan namunalar keltirishdi.
Shundan so‘ng Adiblar xiyobonida joylashgan Alisher Navoiy haykali yonida mutafakkir xotirasi yod etildi va buyuk bobokalonimizga alohida ehtirom ko‘rsatildi.
