12-dekabr kuni Renessans ta'lim universiteti "Ijtimoiy siyosiy fanlar" kafedrasi tashabbusi bilan taniqli olim va pedagog Shazamanov Shoazim Ibragimovichning ilmiy faoliyatiga bag‘ishlangan ijodiy uchrashuv tashkil etildi.

Tadbir davomida Sh.Shazamanovning ilm-fanga qo‘shgan hissasi va ibratli hayot yo‘li haqida keng ma'lumot berildi. Universitet rektori Nusratilla Barakayev so‘zga chiqib, ustozni 60 yillik yubileyi bilan samimiy tabrikladi hamda kelgusi faoliyatiga muvaffaqiyat tiladi.

 

Uchrashuvda taniqli professorlar T.Jo‘rayev, T.Alimardonov, O.Musayev va Jahon iqtisodiyoti va diplomatiya universiteti dotsenti A.Sharopov ustozni iliq so‘zlar bilan tabrikladi. Ayniqsa, shoir Y.Ro‘ziyev tomonidan Sh.Shazamanovga bag‘ishlangan she’r mehmonlarda chuqur taassurot qoldirdi.

Sh.Shazamanov tadbir yakunida o‘zining chuqur minnatdorligini izhor etib, ko‘rsatilgan e’tibor va hurmat uchun jamoaga tashakkur bildirdi.

 

Uchrashuv milliy urf-odatlarga muvofiq tarzda yakunlandi: ustozga to‘n kiydirilib, esdalik sovg‘alari topshirildi. Ushbu tadbir ustozlarning ilm-fanga qo‘shgan hissasini qadrlash va yosh avlodga ibrat sifatida qilib ko'rsatishning yorqin namunasi bo‘ldi.

Bunday uchrashuvlar yosh olimlar va talabalar uchun nafaqat ilhom, balki mustahkam bilimga intilish yo‘lidagi muhim qadamlardan biridir.